No ámbito da normalización lingüística do galego existen iniciativas orientadas á coordinación de proxectos e recursos. Cada unha destas redes de traballo ten un funcionamento e uns obxectivos diferentes, aínda que todas elas perseguen fomentar a participación e a cooperación entre os axentes encargados de promover, de difundir e de defender a lingua galega.
Redes de traballo
Asociación de Entidades Locais pola Lingua Galega (Alingua)
Agrupación de entidades do ámbito local para traballar de xeito cooperativo na promoción e difusión do idioma galego.
Rede de Dinamización Lingüística
Asociación voluntaria que busca congregar as entidades con competencia na promoción do uso da lingua galega no ámbito local. Está vinculada á Consellería de Educación e Ordenación Universitaria a través da Secretaría Xeral de Política Lingüística.